هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 الصداقة من أقوى العلاقات الإنسانية (الجزء الثالث)

اذهب الى الأسفل 
5 مشترك
كاتب الموضوعرسالة
Taha
عضو برونزي
عضو برونزي
Taha


ذكر عدد الرسائل : 162
العمر : 36
ناديك : الصداقة من أقوى العلاقات الإنسانية (الجزء الثالث) Acmilan
تاريخ التسجيل : 05/10/2007

الصداقة من أقوى العلاقات الإنسانية (الجزء الثالث) Empty
مُساهمةموضوع: الصداقة من أقوى العلاقات الإنسانية (الجزء الثالث)   الصداقة من أقوى العلاقات الإنسانية (الجزء الثالث) I_icon_minitimeالأربعاء أكتوبر 17, 2007 12:14 am

(3)

يوم الخميس زي عادتنا كنا مجتمعين انا والربع فالاستراحه وخالد للحين ما جا صار دايم يتأخر لكن عمره ما تركنا,كنا جالسين بعضنا يلعب ورقه والباقين يسولفون,انا كنت العب وسمعنا صفقة الباب اللي برى وبما ان خالد اللي ناقصنا عرفنا انه هو,وبدى التعليق اللي يقول جانا العريس والثاني يقول الله يعينا عليه من اول ما وقف زقاير وهو نار شابه,قلت لهم:كلش الا خويي عاد لحد يغلط عليه وانا موجود ...وقعدنا نضحك ,فتح باب الغرفه والتفت اسلم عليه ماحسيت الا واحد يرفعني من القلابي ويلزقني عالجدار بقوه,لما حاولت اعرف من هو الا هو خالد كان معصب ويصرخ في وجهي ويدفع جسمي عالجدار بطريقه عنيفه, كنت مصدوم واطالع فيه مو فاهم شاللي صاير حتى ربعنا يطالعون بتعجب ولما استوعبوا ان السالفه هوشه قاموا يفكونه عني, في هاللحظه انا للحين ما بعد استوعبت الموقف بس يوم شفتهم يسحبونه عني حسيت انهم اوجعوه بديت ابعدهم معه واحاول احميه بيديني كنت خايف عليه وجسمه صار احمر من تسحيبهم الشديد وانا لهاللحظه ما ادري وش صاير لكنهم كانوا اكثر منا وقدروا يمسكون كل واحد في جهه,سامي كان يسأل خالد بعصبيه: انت صاحي؟!! وش جاك انهبلت؟!وش صاير؟!ورد خالد بصوت انسان ثاني ما عرفه وياليته ما تكلم: اسأل هالجبان اللي قدامكم وش سوى لا تسألوني انا.. في هالوقت بديت استوعب الموقف...خالد قدامي في حاله عمري ما شفته فيها,معصب والكلام يطلع مقطع منه بسبب تنفسه السريع,نظرته ماغيرها تطل من عيونه بس الحقد حل محل البراءه؟؟كان كل شوي يحاول يتخلص من يدينهم عشان يضربني!! تصوروا!!بعد كل هالعمر وهالعشره يضربني انا بندر صديق عمره ورفيق دربه,قلت له وانا احاول اقرب عنده اهديه:وش بلاك ياخالد انا وش سويت ياخوي؟! رجع يحاول يتهجم علي وابعدوني عنه بسرعه..لا تقول ياخوي انا لاني اخوك ولا اتشرف اكون اخوك وبصوت تخالطه البحه من شدة الصراخ وهو يمسك راسه بين يدينه بعصبيه..وبعدين لا تقول وش سويت ياحقير لا تنرفزني زياده...خفت عليه كان يصارخ ما يتكلم ويطلع كلامات زي السم...لما ما تكون قد الكلام اللي تقوله لا تقعد تتفلسف علي يا اكبر كذاب..قال سامي..خالد وش هالكلام؟!! كبر عقلك وخلنا نفهم القصه...صرخ فيه..انتم لا تتدخلون ورجع يطالعني وهو يضرب على صدره بقهر واضح..انت ما شفتني اموت فاليوم عشرين مره وانا احاول بكل ما فيني اني اوقف زقاير ليش تقولهم اني كنت ادخن ليش؟!...كنت هاللحظه زي الغبي وعيوني بتطلع من مكانها رديت.. خالد انا قلت لك محد جاني ولا احد سألني--..كلامي زاد ثورته وقام يتحرك زي المجنون..هذا اللي يبي يذبحني، بندر لا تكذب لا تكذب ما ابي اسمع منك ولا كلمه صحيح انهم رفضوني بس ما يهم البنت بدالها الف وبدت نبرة صوته تخف حدتها..لكن انت ليش سويت كذا يا بندر ليش؟! الكلام اللي قلت لي ذاك اليوم كان كله كذب وتمثيل؟!!على الأقل ليش توعدني وتخلف لو قلت انك بتعلمهم كان تفهمت الموضوع, انت حطيتني في اصعب موقف، معقوله استخسرت السعاده اللي انا كنت عايشها ولا قدرت تستحمل فكره اني ابعد عنك شوي!! معقوله يابندر انت من بد هالعالم كلهم تسوي فيني كذا هذا جزاي اني عزيتك؟؟!..رجعت النبره العاليه.. ما توقعتك كذا ابدا انت انسان اناني تعرف يعني ايش اناني؟! حاولت اتمالك نفسي ورديت بصوت هادي قد ما اقدر...بس لا تكمل لا تقول كلام تندم عليه بعدين يا خالد لا تظلمني وانا اخوك... ضحك بسخريه..اندم!!اندم على ايش والا ايش؟! على العشره الحلوه اللي كانت بيننا والا على16 سنه اللي ضيعتها من حياتي على واحد مثلك والا عالانسان اللي توقعته صديقي وما طلع----وقبل ما يكمل كلمته هالمره انا اللي تخلصت من يدينهم وهجمت عليه ورميته عالأرض, ولما ثبته تحتي رفعت يدي لكنها وقفت وكل عضله فيني ترجف رجفه فظيعه,لان اللي تحتي كان خالد,خالد الرفيق !! خالد الغالي !! يارب انا وش قاعد اسوي معقول امد يدي عليه؟! صرخت في وجهه...اسمع يا خالد كل الكلام اللي قلته ممكن اتغاضى عنه عشان المعزه اللي لك بقلبي ولاني متأكد انه فيه سوء فهم فالموضوع اما انها توصل فيك انك تقول اللي بيننا ما كان شي فهذا اللي ما راح اسمح لك تقوله فااااهم؟!...خلص يدينه من يديني ودفعني من فوقه.. اقول ابعد عني بس... وقف وانا للحين على الارض...اسمع يا بندر هي كلمه و رد غطاها ما عاد ابي اشوفك ولا عاد ابي اسمع صوتك او حتى طاريك وكل اللي كان بيننا اليوم انتهى, الانسان المخادع اللي ما يقدر الصداقه ماله مكان في حياتي ابد, واذا كنت سويت هالحركه خايف انك تفقد جزء مني يا طفل ابيك تدري اللحين انك فقدتني للابد.
طلع من الاستراحه بنفس الحال اللي دخل فيه واشرت لسامي وانا احس بأرهاق شديد :اطلع معه الله يعافيك لا يسوق السياره وهو على هالحال بعد هو مب ناقص جنون فالسواقه..لكنه رجع بعد دقايق يقول انه ما قدر يلحقه.
انتشر الهدوء بعد طلعة خالد وكانوا كلهم يطالعوني مو عارفين وش يقولون,كانوا مصدومين مثلي واكثر,وقفت ويدي على قلبي حسيت اني مخنوق وانا احاول استجمع القوه اللي باقيه فيني قلت:عذرا ياشباب متأسف على الفصل البايخ اللي صار قبل شوي, يالله انا ماشي... سألني سامي بتردد واضح:لحظه قبل ما تمشي يابندر صحيح الكلام اللي قاله خالد؟!هزيت راسي بأسى وانا امسك دموعي اللي عصتها شيمه الرجال وبابتسامه رديت:ليش استغرب منكم انكم تصدقون هالكلام فيني اذا كان خالد خوي الروح قدر يصدقه؟!!!!مع السلامه.. وطلعت, لحقني سامي...خلني اوصلك للبيت يا بندر تراك على طريقي...شكله حاس بتأنيب ضمير وراحمني وهذا اللي ما احبه رديت...لا مشكور انا بخير لا تشغل بالك...وركبت السياره ومشيت.
فالبيت الوالده وريم كانوا فالصاله لما دخلت, واستغربوا رجوعي بدري..بعد السلام سألت الوالده باهتمام:بندر يمه وش فيك؟!... ريم بعد قالت شي زاد الالم اللي في قلبي:عسى ما شر يابندر خالد فيه شي؟؟؟…حاولت امثل اني معصب ..انتِ ماتفهمين؟!! كم مره اقولك يارويم لا تتفاولين على العالم، يا جماعه كل اللي صار ان احنا تفرقنا بدري الليله عادي وشفيكم؟!...قالت الوالده...ياولدي وجهك متغير انا امك واحس فيك قلي يا امي من اللي مضيق صدرك؟!.. قالت ريم: لا يكون متطاق مع واحد من العيال؟؟..قالت امي..وش دعوى ما تعودنا منك ياوليدي هالحركات؟!!
كنت عارف ان شكل ثيابي يدل على اني توي طالع من هوشه…قلت لهم:ريحوا بالكم تهاوشت مع واحد من الشباب بس جت سليمه خلاص عاد فكوني, قالت ريم:اكيد بتجي سليمه اذا كان خلود المرعب ابو المشاكل هو اللي دايم يفزع معك المفروض محد يقرب لمك،هزت راسها كنها تذكرت شيء مو حلو...يمه منه ذاك الولد شراني ياكثر ما صيحني وحسرني وحنا صغار،تذكرين يمه ذيك الايام؟!…ابتسمت امي...اول سنتين من نقلتنا للرياض ماكنت اربط شعرك دايم تجيني تصيحين من تمعيطه لشعرك..قالت ريم..وتضحكين بعد يمه المشكله ان ولدك ذا كان يطقني معه ما كني اخته الحمد الله والشكر... قالت امي..صحيح ان خالد كان شيطان وهو صغير بس والله ان الولد والنعم فيه شوفي وش صار الحين... آلمني كلامها زياده بس سويت الوضع عادي ووجهت كلامي لريم...وانتِ وش تبين ما عندك الا خالد وخالد؟!بعدين تستاهلين رازه وجهك عند العيال فالشارع دايم وهو معتبرك اخته...حسيت اني احرجتها وردت.. انا والا انت اللي ما عنده الا خالد؟!!.. قطعت الحوار و رحت للغرفتي
منقول
الرجوع الى أعلى الصفحة اذهب الى الأسفل
sokarlw
مدير المنتدى
مدير المنتدى
sokarlw


ذكر عدد الرسائل : 767
العمر : 33
اوصف نفسك : مجرد انسان
ناديك : الصداقة من أقوى العلاقات الإنسانية (الجزء الثالث) Barcelona
المزاج : الصداقة من أقوى العلاقات الإنسانية (الجزء الثالث) Mkayeef
تاريخ التسجيل : 21/08/2007

الصداقة من أقوى العلاقات الإنسانية (الجزء الثالث) Empty
مُساهمةموضوع: رد: الصداقة من أقوى العلاقات الإنسانية (الجزء الثالث)   الصداقة من أقوى العلاقات الإنسانية (الجزء الثالث) I_icon_minitimeالأربعاء أكتوبر 17, 2007 12:18 am

ششكرا على الموضوع
الرجوع الى أعلى الصفحة اذهب الى الأسفل
https://al-rad.1fr1.net
زائر
زائر
Anonymous



الصداقة من أقوى العلاقات الإنسانية (الجزء الثالث) Empty
مُساهمةموضوع: رد: الصداقة من أقوى العلاقات الإنسانية (الجزء الثالث)   الصداقة من أقوى العلاقات الإنسانية (الجزء الثالث) I_icon_minitimeالأربعاء أكتوبر 17, 2007 4:10 am

شكرا على القصه
الرجوع الى أعلى الصفحة اذهب الى الأسفل
Taha
عضو برونزي
عضو برونزي
Taha


ذكر عدد الرسائل : 162
العمر : 36
ناديك : الصداقة من أقوى العلاقات الإنسانية (الجزء الثالث) Acmilan
تاريخ التسجيل : 05/10/2007

الصداقة من أقوى العلاقات الإنسانية (الجزء الثالث) Empty
مُساهمةموضوع: رد: الصداقة من أقوى العلاقات الإنسانية (الجزء الثالث)   الصداقة من أقوى العلاقات الإنسانية (الجزء الثالث) I_icon_minitimeالأربعاء أكتوبر 17, 2007 1:41 pm

العفووووووووووو
الرجوع الى أعلى الصفحة اذهب الى الأسفل
king
عضو برونزي
عضو برونزي
king


ذكر عدد الرسائل : 123
العمر : 35
المزاج : الصداقة من أقوى العلاقات الإنسانية (الجزء الثالث) Buusy
تاريخ التسجيل : 13/10/2007

الصداقة من أقوى العلاقات الإنسانية (الجزء الثالث) Empty
مُساهمةموضوع: رد: الصداقة من أقوى العلاقات الإنسانية (الجزء الثالث)   الصداقة من أقوى العلاقات الإنسانية (الجزء الثالث) I_icon_minitimeالأربعاء أكتوبر 17, 2007 7:12 pm

مشكوووووووووووووووور
الرجوع الى أعلى الصفحة اذهب الى الأسفل
صلاح الاهلاوي
عضو ذهبي
عضو ذهبي
صلاح الاهلاوي


ذكر عدد الرسائل : 513
العمر : 33
تاريخ التسجيل : 10/10/2007

الصداقة من أقوى العلاقات الإنسانية (الجزء الثالث) Empty
مُساهمةموضوع: رد: الصداقة من أقوى العلاقات الإنسانية (الجزء الثالث)   الصداقة من أقوى العلاقات الإنسانية (الجزء الثالث) I_icon_minitimeالسبت أكتوبر 20, 2007 8:25 pm

مشكورررررررررررررررررررر علي القصة والي الامام
الرجوع الى أعلى الصفحة اذهب الى الأسفل
http://www.alahlifans.net
اخ
عضو نشط
عضو نشط



ذكر عدد الرسائل : 58
تاريخ التسجيل : 29/10/2007

الصداقة من أقوى العلاقات الإنسانية (الجزء الثالث) Empty
مُساهمةموضوع: رد: الصداقة من أقوى العلاقات الإنسانية (الجزء الثالث)   الصداقة من أقوى العلاقات الإنسانية (الجزء الثالث) I_icon_minitimeالجمعة نوفمبر 23, 2007 8:10 pm

شكرا على القصة الرائعه
الرجوع الى أعلى الصفحة اذهب الى الأسفل
 
الصداقة من أقوى العلاقات الإنسانية (الجزء الثالث)
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
 :: الفئه الأدبيه :: منتدى القصص والروايات-
انتقل الى: